წალენჯიხაში გაზიფიცირების სამუშაოები მიმდინარეობს

06.10.2021

საქართველოს გაზის ტრანსპორტირების კომპანია, წალენჯიხის მუნიციპალიტეტის 13 ადმინისტრაციულ ერთეულში, მთავრობის განკარგულების საფუძველზე, გაზიფიცირებისთვის საჭირო სამშენებლო სამუშაოებს აწარმოებს.

პროექტის ფარგლებში, ჯამურად აშენდება 604 721 გრძივი მეტრი გაზსადენი და 8 408 აბონენტი შეძლებს ისარგებლოს ბუნებრივი გაზით. პროექტის ღირებულება შეადგენს 28 038 616 ლარს.

2019 წელს, აშენდა წალენჯიხის  მკვებავი გაზსადენი  და შესრულდა შიდა ქსელის მოწყობის სამუშაოები, რომელმაც 2 897 ადგილობრივ მოსახლეს საშუალება მისცა ესარგებლა ბუნებრივი გაზით.

 აღსანიშანავია რომ, მიმდინარე პროექტის განხორციელება წალენჯის მუნიციპალიტეტის ყველა სოფელს უზრუნველყოფს ბუნებრივი გაზით და მისი დასრულების შემდეგ, მუნიციპალიტეტი სრულად იქნება გაზიფიცირებული.