ახალი ამბები
27.09.2022
გაცნობებთ, რომ შპს “საქართველოს გაზის ტრანსპორტირების კომპანია” მ/წ 29 სექტემბერს სანავარდოს გაზგამანაწილებელ სადგურში რედუცირების მეორე კვანძის აღდგენით სამუშაოებს განახორციელებს. აღნიშნული ვითარების გათვალისწინებით, მ/წ 29 სექტემბერს 11:00დან 17:00 საათამდე შესაძლოა ბუნებრივი გაზის მიწოდება შეუწყდეს აღნიშნული გაზგამანაწილებელი სადგურის მომხმარებლებს. კერძოდ, სამტრედიის მუნიციპალიტეტის სოფლებს - ილორსა და სანავარდოს.
27.09.2022
შპს “საქართველოს გაზის ტრანსპორტირების კომპანიამ” „წითელი ხიდი-წალკა-ახალქალაქის“ 300მმ მაგისტრალურ გაზსადენზე სარეაბილიტაციო სამუშაოები დაასრულა. კერძოდ, რეაბილიტაციის ფარგლებში, აღნიშნული მაგისტრალის 90.0 და 103.0კმ.-ზე გამოვლენილი გაჟონვების ლიკვიდაციის მიზნით,არსებული დაზიანებული მონაკვეთების აღდგენითი სამუშაოები განხორციელდა.
26.09.2022
გაცნობებთ, რომ შპს “საქართველოს გაზის ტრანსპორტირების კომპანია” მ/წ 27 სექტემბერს „წითელი ხიდი-წალკა-ახალქალაქის“ 300მმ მაგისტრალურ გაზსადენზე რეაბილიტაციას გეგმავს. კერძოდ, აღნიშნული მაგისტრალის 90.0 და 103.0კმ.-ზე არსებული დაზიანებული მონაკვეთების აღდგენითი სამუშაოები განხორციელდება.
21.09.2022
შპს “საქართველოს გაზის ტრანსპორტირების კომპანიამ” მ/წ 21 სექტემბერს წყალტუბოს გაზგამანაწილებელ სადგურში სარეკონსტრუქციო სამუშაოები განახორციელა. სამუშაოების ფარგლებში ძველი დაზიანებული რედუცირების კვანძი შეიცვალა ახლით. დამონტაჟდა ორი რეგულატორი ფილტრებითა და ონკანებით. ამ ეტაპზე ბუნებრივი გაზის მიწოდება შეუფერხებლად მიმდინარეობს.
