გარემოს დაცვის მსოფლიო დღის აღსანიშნავად, საქართველოს გაზის ტრანსპორტირების კომპანიამ (GGTC) დასავლეთის ფილიალში გამწვანების აქცია გამართა.

ღონისძიების ფარგლებში კომპანიის თანამშრომლებმა დარგეს ნერგები, მათ ასევე ჩაუტარდათ მოკლე საინფორმაციო ტრენინგი გარემოსდაცვით საკითხებზე, რომლის მიზანიც ცნობიერების ამაღლება და გარემოს დაცვის მიმართულებით პასუხისმგებლიანი მიდგომების ხელშეწყობაა.

ინიციატივის მიზანია გარემოზე ზრუნვის კულტურის გაძლიერება და თითოეული თანამშრომლის პირადი წვლილის წარმოჩენა ეკოლოგიურად მდგრადი გარემოს შექმნაში.

ერთად ვზრუნავთ გარემოზე!