დიმიტრი ნადირაძეს აქვს მრავალწლიანი სამუშაო გამოცდილება სამშენებლო, ნავთობისა და გაზის სექტორებში, ასევე სახელმწიფო და კერძო ორგანიზაციებში ხელმძღვანელ და ექსპერტულ პოზიციებზე.

სხვადასხვა პერიოდში იკავებდა შემდეგ თანამდებობებს:

• სს „საქართველოს ნავთობისა და გაზის კორპორაციაში“ კომერციული დირექტორი და XII ბლოკის დირექტორი (2022–2025)
• ამავე კორპორაციაში კონტროლის დეპარტამენტის ექსპერტი კომერციულ და ტექნიკურ საკითხებში (2018–2022)
• საქართველოს შინაგან საქმეთა სამინისტროში ლოჯისტიკის დეპარტამენტის სამშენებლო სამმართველოს უფროსი (2016–2017)
• საგანგებო სიტუაციების მართვის სამსახურში მშენებლობის საკითხების კოორდინატორი (2018)
• სხვადასხვა პერიოდში მუშაობდა ნავთობისა და გაზის, სამშენებლო და საინჟინრო კომპანიებში ტექნიკურ დირექტორად, დეპარტამენტის უფროსად, პროექტების ხელმძღვანელად და ექსპერტად
• ასევე გააჩნია საერთაშორისო პროექტებში მონაწილეობის გამოცდილება, მათ შორის აშშ-ის საელჩოს სამშენებლო პროექტებში.
  [b]სხვა მიღწევები და კვალიფიკაცია:[-b]
• დიმიტრი ნადირაძე არის არაერთი სამეცნიერო ნაშრომისა და პუბლიკაციის ავტორი სამშენებლო და საინჟინრო სფეროში.
• მინიჭებული აქვს საქართველოს სახელმწიფო ჯილდო — ღირსების მედალი (1999), ნავთობისა და გაზის ტრანსპორტირების პროექტებში შეტანილი მნიშვნელოვანი წვლილისათვის.
• დაჯილდოებულია „წლის ინჟინრის“ საპატიო წოდებით (2003).
• გავლილი აქვს არაერთი საერთაშორისო და ადგილობრივი სასწავლო პროგრამა ნავთობისა და გაზის პროექტების მართვისა და გარემოს დაცვის სისტემების მიმართულებით.