საქართველოს გაზის ტრანსპორტირების კომპანია გაცნობებთ, რომ წითელი ხიდი - წალკა - ახალქალაქის მაგისტრალური გაზსადენის 24,4 კმ-ზე მდებარე გამზომი კვანძის სარეაბილიტაციო სამუშაოები წარმატებით დასრულდა, ტექნიკური და უსაფრთხოების წესების სრული დაცვით.

აღნიშნულიდან გამომდინარე, პირველ ეტაპზე ბუნებრივი გაზის მიწოდების აღდგენა მოხდა ქვემო ქართლის მიმართულებით, კერძოდ: აზიზქენდის, მუღანლოს, კოდას, მამედისა და მარნეულის გაზგამანაწილებელი სადგურების მომხმარებლებისთვის.

მოსახლეობისათვის გაზმომარაგების მიწოდებას შესაბამისი გაზგამანაწილებელი კომპანია ეტაპობრივად უზრუნველყოფს.

საქართველოს გაზის ტრანსპორტირების კომპანია სისტემატურად ახორციელებს გაზსადენებისა და გაზგამანაწილებელი სადგურების სარეაბილიტაციო სამუშაოებს, რაც მომხმარებლების უსაფრთხო, საიმედო და უწყვეტ გაზმომარაგებას უზრუნველყოფს.