შპს საქართველოს გაზის ტრანსპორტირების კომპანია რუსთავი-თელავი-ჟინვალის მაგისტრალური გაზსადენის დედოფლისწყაროს განშტოებაზე სარემონტო სამუშაოებს განახორციელებს. აღნიშნული ვითარების გათვალისწინებით, მ/წ 5 ივნისს 07:00-დან 17:00 საათამდე ბუნებრივი გაზის მიწოდება შეუწყდებათ ზემო მაჩხაანის, ზემო ქედის, თავწყაროს, გამარჯვება 2-ისა და დედოფლისწყაროს გაზგამანაწილებელი სადგურების მომხმარებლებს.

შპს საქართველოს გაზის ტრანსპორტირების კომპანიის გენერალური დირექტორი - მიხეილ შალამბერიძე სხვა ენერგეტიკული კომპანიისა და ადგილობრივი ხელისუფლების წარმომადგენლებთან ერთად ახალციხის ციხეს ეწვია და საქართველოს დამოუკიდებლობის დღისადმი მიძღვნილ ღონისძიებებში მიიღო მონაწილეობა.

საქართველოს გაზის ტრანსპორტირების კომპანიამ ქუთაისი-სოხუმის DN-500მმ მაგისტრალურ გაზსადენზე სამუშაოები დაასრულა. კერძოდ, პროექტის ფარგლებში აღნიშნული მაგისტრალის 81.6-97.7 კილომეტრებს შორის ახლადაშენებული მონაკვეთის მოქმედ მაგისტრალში შეჭრის სამუშაოები განხორციელდა.