ახალი ამბები
04.07.2017
შპს ‘’საქართველოს გაზის ტრანსპორტირების კომპანია’’, ,,წითელი ხიდი-წალკა-ახალქალაქის’’ DN - 300მმ. მაგისტრალურ გაზსადენზე სარემონტო სამუშაოებს ახორციელებს. აღნიშნული მილსადენის 140-ე კილომეტრიდან - 172,15 კილომეტრამდე მონაკვეთზე ჩატარდება, ბუნებრივი აირის გაჟონვის სალიკვიდაციო სამუშაოები. აღნიშნული სამუშაოები მიმდინარე წლის 4 ივლისს დაიწყება, რომლის დროსაც გაითიშება ტაბაწყურისა და ბალანთის გაზგამანაწილებელი სადგურები. საქართველოს გაზის ტრანსპორტირების კომპანიის ტექნიკური ჯგუფები აქტიურად მუშაობენ სალიკვიდაციო სამუშაოებზე, რათა მაქსიმალურად მოკლე ვადებში მოხდეს მისი დასრულება. მიმდინარე პროცესი უზრუნველყოფს მაგისტრალური გაზსადენის გამართულ და სტაბილურ ფუნქციონირებას, გაზრდის მის ეფექტურობას, ხელს შეუწყობს ბუნებრივი აირის შეუფერხებელ და უსაფრთხო მიწოდებას. შექმნილი ვითარებიდან გამომდინარე, 2017 წლის 5 ივლისს ბუნებრივი აირის მიწოდება შეუწყდება ბორჯომის მუნიციპალიტეტის სამ სოფელს: ტაბაწყურს, ბალანთასა და მოლითს. შპს ‘’საქართველოს გაზის ტრანსპორტირების კომპანია’’ დისკომფორტის გამო მომხმარებელს ბოდიშს უხდის.
29.06.2017
შპს ‘’საქართველოს გაზის ტრანსპორტირების კომპანია’’ ,,ყარადაღ-თბილისის’’ DN 800-700მმ. მაგისტრალურ გაზსადენზე აღდგენით-სარემონტო სამუშაოებს ახორციელებს. აღნიშნული მილსადენის 484-ე კილომეტრზე მოხდება № 34 ონკანის კვანძის რეკონსტრუქცია. აღნიშნული მდგომარეობიდან გამომდინარე, მიმდინარე წლის 30 ივნისს ბუნებრივი აირის მიწოდება შეუწყდება გარდაბნის მუნიციპალიტეტის ორ სოფელს: ახალ სამგორსა და გამარჯვებას. შპს ‘’საქართველოს გაზის ტრანსპორტირების კომპანია’’ დისკომფორტის გამო მომხმარებელს ბოდიშს უხდის.
28.06.2017
გაცნობებთ, რომ შპს ‘’საქართველოს გაზის ტრანსპორტირების კომპანია’’ აღრიცხვის კვანძის რეკონსტრუქციის მიზნით გეგმავს შესაბამის სამუშაოებს, აღნიშნულის გამო, მიმდინარე წლის 29 ივნისს 10:00 საათიდან 18:00 საათამდე გაზის მიწოდება შეუწყდება დუშეთის მუნიციპალიტეტის დაბა ფასანაურს. შპს ‘’საქართველოს გაზის ტრანსპორტირების კომპანია’’ დისკომფორტის გამო მომხმარებელს ბოდიშს უხდის.
