ახალი ამბები

08.07.2016
  შპს „საქართველოს გაზის ტრანსპორტირების კომპანია“ ახორციელებს სარეაბილიტაციო სამუშაოებს ვლადიკავკაზ-თბილისის მაგისტრალური გაზსადენის კმ.ნ. 85+00-სა და ჩრდილოეთ კავკასია-ამიერკავკასია კმ.ნ. 173+500-ზე. მდინარე ბიდარას მარცხენა ნაპირზე განვითარებულმა ეროზიულმა პროცესებმა გააშიშვლა მილსადენი და დააზიანა საექსპლუატაციო დერეფანი. აღნიშნული პროცესების ლიკვიდაციის მიზნით შპს „საქართველოს გაზის ტრანსპორტირების კომპანიაში“ დამუშავდა ფერდის აღდგენის პროექტი გაბიონების წყებით. ამ ეტაპზე ხორციელდება საინჟინრო-ტექნიკური პროექტით გათვალისწინებული აქტიური სარეაბილიტაციო სამუშაოები, რომელიც მიმდინარე წლის 15 ივლისამდე დასრულდება.                              
08.07.2016
„ქოთელია-ასპინძა-ახალციხის“ მაგისტრალური გაზსადენის „ასპინძა-ახალციხის“ მონაკვეთის მშენებლობისას სოფელ ჭობარეთის მიმდებარედ 2007 წელს აღმოჩენილ იქნა კულტურული მემკვიდრეობის ძეგლი, ადრებრინჯაოს ხანის ნასახლარი. აღნიშნულ ძეგლზე მას შემდეგ ყოველ წელს მიმდინარეობს არქეოლოგიური სამუშაოები და შპს „საქართველოს გაზის ტრანსპორტირების კომპანია“ აქტიურად თანამშრომლობს არქეოლოგთა ჯგუფთან. მათთვის გაიცემა ნებართვა დერეფანში შეშვებისა და ადგილზე მუშაობისათვის. არქეოლოგთა ჯგუფი ადგილზე შესაბამის არქეოლოგიურ სამუშაოებს წელსაც აქტიურად აწარმოებდა.   
05.07.2016
შპს „საქართველოს გაზის ტრანსპორტირების კომპანია“ გაცნობებთ, რომ შპს „სოკარ ჯორჯია გაზის“ მოთხოვნით, მიმდინარე წლის 6 ივლისს 21:00 საათიდან ბუნებრივი გაზის მიწოდება შეუწყდება ქალაქ ზუგდიდს. შპს „საქართველოს გაზის ტრანსპორტირების კომპანია“ შექმნილი უხერხულობის გამო ბოდიშს უხდის მომხმარებლებს.
04.07.2016
საქარათველოს მთავრობის 2016 წლის 25 თებერვლის № 303 განკარგულების თანახმად,  შპს „საქართველოს გაზის ტრანსპორტირების კომპანიის“ დაკვეთით ახმეტის მუნიციპალიტეტის სოფელი დუისის გაზიფიცირების უზრუნველსაყოფად ხორციელდება შესაბამისი სამშენებლო სამუშაოები.