ახალი ამბები
09.11.2018
შპს “გაზის ტრანსპორტირების კომპანიის” გენერალური დირექტორი ჯაბა ხმალაძე ეკონომიკისა და მდგრადი განვითარების მინისტრის მოადგილესთან ნათია თურნავასთან და ადგილობრივი ხელისუფლების წარმომადგენლბთან ერთად ზუგდიდის მუნიციპალიტეტის სოფელ შამგონაში ბურჭულაიების ოჯახს ეწვია, სადაც ხსენებული სოფლის გაზიფიცირებისთვის საჭირო საპროექტო და სამშენებლო სამუშაოების წარმატებით დასრულება სიმბოლურად გაზქურის ანთებით აღინიშნა.
08.11.2018
შპს “საქართველოს გაზის ტერანსპორტირების კომპანიის“ გენერალურმა დირექტორმა ჯაბა ხმალაძემ და საქართველოს ეკონომიკისა და მდგრადი განვითარების მინისტრის მოადგილემ ნათია თურნავამ სენაკის მუნიციპალიტეტის სოფელ მეორე ნოსირში მიმდინარე გაზიფიცირების სამუშაოები დაათვალიერეს.
02.11.2018
საგურამო-ქუთაისის მაგისტრალური გაზსადენის ზესტაფონის DN-200მმ განშტოებაზე არსებული რედუცირების კვანძის 2 ონკანიანი შემოვლითი ხაზის მოწყობის სამუშაოები განხორციელდა. ამავე განშტოებაზე გამოვლენილი გაჟონვების ლიკვიდაციის მიზნით სარეაბილიტაციო სამუშაოებიც შესრულდა. კერძოდ, რეაბილიტაციის ფარგლებში, აღნიშნულ მილსადენზე შეკეთდა დაზიანებული კოროზიული მონაკვეთები და დაიხურა კოროზიული ხვრელები. ასევე აღდგა მილსადენის ანტიკოროზიული და საიზოლაციო საფარი.
01.11.2018
შპს საქართველოს გაზის ტრანსპორტირების კომპანიის თანამშრომლებმა, ევროპის ენერგეტიკული თანამეგობრობის სამდივნოს (Energy Cpmmunity) მიერ ორგანიზებულ სემინარში მიიღეს მონაწილეობა. ღონისძიება, უკრაინის დედაქალაქ კიევში ორი დღის განმავლობაში გრძელდებოდა და მიზნად ისახავდა ენერგეტიკული ინფრასტრუქტურის დაგეგმვის გაუმჯობესებას აღმოსავლეთ პარტნიორობის ექვს ქვეყანაში: საქართველოს, სომხეთს, აზერბაიჯანს, უკრაინას, ბელორუსსა და მოლდოვაში.
